රාවණ - නොකී පුරාවත

¤රාවණ රජු ජීවත් වූයේ වත්මන් විවිධ දේශපාලන සිතියම් හා වර්ගවාදයන් නොපැවති වසර හත්දහස් පන්සියයක් පමණ ඉපැරණි යුගයකය. රාවණ පුවත පිළිබඳ විවිධ අර්ථකථනයන්හි සත්‍යය ගවේෂණය කෙරෙන මෙසමයෙහි මෙම ප්‍රයත්නය ශ්‍රී ලාංකික චින්තනය නව මානයකට යොමු කරවීමට ඉවහල් වන මූලාශයක් වනු ඇත. ශ්‍රී ලාංකික අප සියල්ලන්ම අපගේ නොපැවසුණ අතීතය ගැන අභිමානවත් විය

Start

January 5, 2018 - 6:30 PM

End

Categories

Entertainment

¤රාවණ රජු ජීවත් වූයේ වත්මන් විවිධ දේශපාලන සිතියම් හා වර්ගවාදයන් නොපැවති වසර හත්දහස් පන්සියයක් පමණ ඉපැරණි යුගයකය. රාවණ පුවත පිළිබඳ විවිධ අර්ථකථනයන්හි සත්‍යය ගවේෂණය කෙරෙන මෙසමයෙහි මෙම ප්‍රයත්නය ශ්‍රී ලාංකික චින්තනය නව මානයකට යොමු කරවීමට ඉවහල් වන මූලාශයක් වනු ඇත. ශ්‍රී ලාංකික අප සියල්ලන්ම අපගේ නොපැවසුණ අතීතය ගැන අභිමානවත් විය යුතු අතර අපේ ඉතිහාසය අනගි සම්පතක් සේ සැලකිය යුතුය.

කොළඹ විශ්ව විද්‍යාලයීය කලා කවය උසස් අධ්‍යාපන අමාත්‍යංශය සහ එක්ව රාවණ පුවත ඇසුරින් පළමු වරට ලියවුනු බැලේ ඔපෙරාව වන “රාවණ: නොපැවසුණ පුරාවෘත්තය” අභිමානයෙන් ඉදිරිපත් කරයි. මෙහි රචනය ප්‍රකට නවකතා රචකයකු වන භද්‍රජී මහින්ද ජයතිලකයන්ගේ වන අතර රංග වින්‍යාසය රනාරා ඇකඩමි ආයතනයේ තනුජා බන්දුල මෙනවියගෙනි.  මෙහි පාත්‍ර වර්ගයා කොළඹ විශ්ව විද්‍යාලයීය සියළු පීඨ වලින් තෝරාගනු ලැබූ සිසු සිසුවියන්ගෙන් සමන්විතය. මෙම බැලේ ඔපෙරාව 2018.01.05 වන දින සවස 6.30ට කොළඹ විශ්වවිද්‍යාලයේ කුලපති අති උතුම් ඔස්වල්ඩ් ගෝමිස් රදගුරු හිමිපාණන්ගේ සහභාගිත්වයෙන් නෙළුම් පොකුණ රඟහලේදී පැවැත්වේ.

මෙම අවස්ථාව පිළිබඳ මාධ්‍ය දැනුවත් කිරීමේ සාකච්ඡාවක් 2017.12.21 වන දින සවස 2.00ට කොළඹ විශ්ව විද්‍යාලයීය විද්‍යාල මන්දිරයේදී පැවැත්වේ. කොළඹ විශ්ව විද්‍යාලයීය උපකුලපති මහාචාර්ය ලක්ෂ්මන් දිසානායක, විශ්ව විද්‍යාලයීය කලා මණ්ඩලයේ සභාපති මහාචාර්ය ඩී.ජේ. ඇන්තනි, රනාරා ඇකඩමි ආයතනයේ අධ්‍යක්ෂක සහ අදාළ අනෙකුත් බලධාරීහු මීට සහභාගි වෙති.෴